ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

លោក ហ៊ុន ម៉ាណែត ប្រាប់ឱ្យកងទ័ពដាក់ប្រយោជន៍ជាតិជាធំ

  • ចុះផ្សាយថ្ងៃទី០៩ ខែមីនា ឆ្នាំ២០២២ ម៉ោង ១១:៣៨ នាទី ដោយ Hun Sirivadh
  • 1606
  Aa |   aA

កំពង់ឆ្នាំង៖ អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក លោកឧត្តមសេនីយ៍ឯក ហ៊ុន ម៉ាណែត បានលើកឡើងថា ពាក្យ «សង្គ្រាម» មិនដែលធ្វើឱ្យប្រទេសណាមួយរីកចំរើននោះទេ ទោះបីជាប្រទេសនោះធំក្ដី មានតែការនិរាសព្រាត់ប្រាស់ បាត់បង់អាយុជីវិត និងការបំផ្លិចបំផ្លាញ។ លោកជំរុញដល់កងកម្លាំងប្រដាប់អាវុធទាំងអស់ជាពិសេសកងទ័ពត្រូវដាក់ប្រយោជន៍ជាតិជាធំ និងដាច់ខាតត្រូវការពារជាតិសាសន៍ ព្រះមហាក្សត្រ រដ្ឋធម្មនុញ្ញ និងរដ្ឋាភិបាលឱ្យខានតែបានដើម្បីរក្សានូវសន្ដិភាពដែលបានមកដោយលំបាកនេះ។

ថ្លែងក្នុងពិធីបិទសិក្ខាសាលាបូកសរុបលទ្ធផលការងារយោធា-សន្តិសុខ ឆ្នាំ២០២១ ផ្សព្វផ្សាយផែនការ ឆ្នាំ២០២២ និងពិធីសម្ពោធដាក់ឱ្យប្រើប្រាស់សមិទ្ធផលនានា របស់កងពល តូចអន្តរាគមន៍លេខ១ នៅខេត្តកំពង់ឆ្នាំង កាលពីព្រឹកថ្ងៃទី៨ ខែមីនា ឆ្នាំ២០២២ លោក ហ៊ុន ម៉ាណែត បានលើកឡើងថា កម្ពុជាធ្លាប់ឆ្លងកាត់នូវសង្គ្រាម ការព្រាត់ប្រាស់ ការបំផ្លិចបំផ្លាញឆ្អែតឆ្អន់ហើយទំរាំស្វែងរកសន្ដិភាពបានដូចពេលបច្ចុប្បន្ននេះ ខណៈមានក្រុមជ្រុលនិយមកំពុងចង់ទាញឱ្យកម្ពុជាធ្លាក់ក្នុងវិបត្តិនេះម្ដងទៀត ដូច្នេះហើយការចូលរួមរបស់កងកម្លាំងគឺពិតជាសំខាន់។

លោកថា៖ «សូមកងកម្លាំងប្រដាប់អាវុធជាតិយើងនិយាយជារួម និងនិយាយដោយឡែក កងយោធពលខេមរភូមិន្ទ សូមបន្តរក្សានូវភាពស្មោះត្រង់ និងពង្រឹងភាពដាច់ខាតនៅក្នុងកិច្ចការពារ ជាតិ សាសនា ព្រះមហាក្សត្រ ការពាររដ្ឋធម្មនុញ្ញ និងរាជរដ្ឋាភិបាលស្របច្បាប់ ដើម្បីធានាបាននូវនិរន្តរភាព នៃសុខសន្តិភាព ស្ថិរភាព និងការអភិវឌ្ឍ។ ដូចដែលយើងកំពុងមានសព្វថៃ្ង ខណៈដែលក្រុមជ្រុលនិយមមួយចំនួននៅតែបន្តអុចអាល ញុះញង់ និងចិញ្ចឹម ចិត្តប៉ុនប៉ងបង្កអសន្តិសុខ ដើម្បីឈានទៅផ្តួលរំលំរដ្ឋាភិបាលស្របច្បាប់ ដើម្បីបម្រើនូវមហិច្ឆិតាស្រេកឃ្លានរបស់ពួកគេ ដោយមិនគិតអំពីប្រយោជន៍ជាតិ និងសុខទុក្ខរបស់ប្រជាពលរដ្ឋ»។

ក្នុងឱកាសនោះលោកក៏បានគាំទ្រនិងជំរុញឱ្យយោធិនទាំងអស់ បន្តកិច្ចខិតខំប្រឹងប្រែងបន្ថែមទៀត លើការបំពេញតួនាទី និងភារកិច្ចក្នុងនាមជាកងយោធខេមរភូមិដើម្បីសម្រេចបានស្នាដៃ និងសមិទ្ធផលកាន់ តែល្អប្រសើរជូនជាតិ ប្រជាជន និងមាតុភូមិ។

កម្ពុជាធ្លាប់ជាប្រទេសដែលញាំញីដោយសង្គ្រាមអស់ជិត៣ទស្សវត្សពីឆ្នាំ១៩៧០ ដល់ឆ្នាំ១៩៩៩។ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានដាក់ចេញនូវនយោបាយឈ្នះ-ឈ្នះ ដើម្បីបញ្ចប់នូវចលនាចុងក្រោយរបស់ខ្មែរក្រហមនៅឆ្នាំ១៩៩៦។ គោលនយោបាយនេះបានទទួលជោគជ័យទាំងស្រុងនៅថ្ងៃទី២៤ ខែធ្នូ ឆ្នាំ១៩៩៨ ដែលបង្កើតឱ្យមានការរួបរួមគ្នានៃជនជាតិខ្មែរឡើងវិញបន្ទាប់ពីបែកបាក់ជាតិអស់ជាង៥០០ឆ្នាំ៕


ព័ត៌មានជាច្រើនទៀតសម្រាប់អ្នក